සාහිත්‍යය කලාවේ ආත්මයයි....
කලාව වනාහි මනුෂ්‍යයාගේ එක්තරා ආකාරයක ආත්මයකි.
සාහිත්‍ය වූ කලී එකී කලාවේ ආත්මයක් වන්නේ ය. එසේ හෙයින් උත්තරීතර මනුෂ්‍යයත්වය හා
අන්‍යෝන්‍ය සබැඳියාවෙන් වෙලී පවත්නා වූ කලාව සුවිශේෂී වටිනාකම් වලින් යුක්ත වෙයි.
මිනිසා තුළ උත්තුංග මනුෂයත්වයේ රූ රටාවන් හැඩ කරලීමෙහි ලා කලාවේ සමර්ථය අසම සම
වෙයි. හුදෙක් යම් පුද්ගලයෙකු ප්‍රඥාවෙන් අවබෝධය කරා පිවිසීමට යත්න දරන කල්හි ඒ
කෙරෙහි වන්නා වූ කලාවෙහි භූමිකාව සුළු කොට තැකිය නොහැක. ඉදින් කලාව සියලු සහෘද
සිත් සතන්හි සර්වකාලීනව නිදන්ගතව පැවතීම අරුමයක් නොවේ.
විශ්වීය රාමුව තුළ ලෝකය පණ ලබන තැන්හි කලාව මනුෂ්‍ය
චින්තනය ගොඩ නැගීම, වර්ධනය කිරීම, හැසිරවීම මෙන්ම මෙහෙයවීම සඳහා දායක වෙයි. විෂම
සමාජ තලය තුළ නිශේධන හරයන් බුර බුරා නැගෙන විට සංවේදීත්වය මනුෂ්‍ය සන්තානය තුළට
කාවැද්දවීමට තරම් බලයක් කලාව සතු වන්නේ ය. එසේ හෙයින් මිනිසාගේ නිර්මාණාත්මක
චින්තනය සංවේදී හරයන් හා කැටි කොට ගනිමින් සමාජ ප්‍රගමනය කෙරෙහි සක්‍රීයව දායක
කිරීමට කලාව තුළින් ප්‍රබල පෙළඹවීමක් සිදු වනු ඇත.
කලාව හා සිදුවන මනුෂ්‍ය ගනුදෙනුව ප්‍රාථමික සමාජය
දක්වා දිව යයි. විවිධාකාර වූ ස්වරූප රැසක රාශිගත වීමත් සමග එදා සිට අද දක්වා කලාව
විවිධ නව්‍යතා එක් කර ගනිමින් වර්ධනය වී ඇත. එනම්, ඒ තුළ, චිත්‍ර කලාව, මූර්ති
කලාව, කැටයම් කලාව, නාට්‍ය කලාව, නර්තනය,
සිගීතය යනාදිය මෙන්ම සාහිත්‍ය කලාවට හිමි වන්නේ ද අද්විතීය වැදගත්කමකි. මන්ද යත්
සාහිත්‍ය වනාහි කලාවේ එක් අංගයක් පමණක්ම නොවන බැවිනි. එනම්, ගද්‍ය, පද්‍ය, චම්පු
ශාස්ත්‍රයන්ගෙන් අනූන වන සාහිත්‍යය තව දුරටත් කෙටි කතා, නව කතා, ගීත, කාව්‍ය,
නිසදැස්, නාට්‍යය, ප්‍රබන්ධ ලෙස ද ප්‍රෙභ්දනය කළ හැකි වෙයි. එබැවින් කලාව තුළ
නින්නාද වන්නා වූ “සාහිත්‍ය” විෂය
පදමන් කර ගනිමින් පුළුල් අධ්‍යයනයක යෙදීම කාලොවිත වෙයි. මන්ද යත් තරඟතාරී සමාජ
රටාව තුළ අව්වේකය මත ධනය - බලය හා ගට්ඨනය වෙමින් මනුෂ්‍යත්වයෙන් බැහැරව කටයුතු කරන
“මිනිසුන්” යැයි
නම් පට බැඳ ගත්තා වූ සත්ත්ව කොට්ඨාසය යළි මනුසත්කමේ සම්මතයක් වෙත සමීප කරමින් එහි කිරුළු දරන්නට මං පෙත් විවිර කිරීම සඳහා සමාජ
වගකීමක් ඔබටත් මටත් පැවරෙන නිසාවෙනි.
ඉදින් මනුෂ්‍යත්වය රජයන සමාජයක් තුළ මිනිස්කම
නිසි ලෙස අවබෝධ වූවන් පිරිසක් බිහි කරනු වස් කලාව වෙත සංවේදීව නිර්ණාත්මක චින්තනය “සාහිත්‍යය” ක්ෂේත්‍රය
ඔස්සේ පෝෂණය කිරීමේ අරමුණු පෙරදැරි කොට ගෙන සාහිත්‍යය විෂය දෙස පුළුල් කෝණයකින්
සංවේදී වීමට මෙතැන් පටන් මංපෙත් විවර කරමු.
��������
ReplyDeleteඉගෙන ගන්න ලමයින්ට ගොඩක් වටින දෙයක්.......
ReplyDeleteසුභපැතුම්......